Marcha Mariana

Como cada mes de maio, os nenos e nenas de Educación Infantil e as súas mestras realizaron a ofrenda floral á Virxe María.

Este ano fomos á Iglesia Parroquial de Santa María do Campo.

Mirade qué flores tan preciosas levaron!

                        

E aquí vos mostramos esta bonita imaxe, coa Iglesia parroquial de fondo…

Xa dentro, realizamos a ofrenda floral. Non sen antes explicar o seu significado e o seu valor.

Mirade cómo quedou adornado o altar… maravilloso!

GRADUACIÓN DO ALUMNADO DE 6º DE EDUCACIÓN INFANTIL

O pasado venres, 25 de maio, celebramos a graduación dos nenos e nenas de 6º de Educación Infantil, tan importante para eles como para as súas familias, ás que convidamos a celebrar con todos nós esta data tan importante. Xa que supón para eles o paso á Educación Primaria, e todos os cambios que trae consigo.

            

   

Parece que foi onte cando chegaban por primeira vez ao colexio, coas súas inquedanzas, os seus medos e os seus choros… pero tamén coa curiosidade por coñecer algo novo. Xuntos, formaron unha gran “familia”  e xa descubriron que o colexio é a súa segunda casa.

 

O venres celebramos que están a piques de rematar a súa primeira etapa educativa, e a felicidade e satisfacción que para eles supón. Foi un día moi emotivo e, os maiores de infantil foron os protagonistas durante toda a xornada escolar, como podedes ver, xa desde o primeiro momento da mañá, na habitual visita dos venres á capela do centro.

Foron momentos moi emotivos e especiais, tanto para os nenos coma para as familias, pero tamén para os seus mestres, xa que despois destes anos xuntos toca despedirse para cambiar de etapa. Pero ámbalas dúas partes saben que será unha “despedida” simbólica, xa que nos seguiremos vendo no colexio.

               

Querémolos e estamos moi orgullosas porque dan un gran paso na súa aprendizaxe escolar e xa… pasan a Primaria! NORABOA a todos!

 

Santa Luisa de Marillac

A Compañía das Fillas da Caridade é unha Comunidade Internacional fundada o 29 de novembro de 1633 por Vicente de Paúl e Luisa de Marillac.

Nacida no ano 1591 no seo dunha familia nobre, Santa Luisa de Marillac, quedou orfa de nai a unha idade moi temperá. Foi o seu pai quen lle proporcionou unha amplísima formación en todos os eidos do saber.

Casou co Señor Le Gras e desta unión naceu un fillo. Pero, ao quedar viúva decide entregar a súa vida a Deus, e as súas inquedanzas medran cando coñece a Francisco de Sales e a Vicente de Paúl. É nese momento cando, a través do seu encontro con Vicente, ponse en contacto coas primeiras obras de servizo que Vicente estaba organizando en París.

Pouco a pouco Santa Luisa dinamiza con San Vicente a Obra Social de París. Alí, en 1633, nacen as Fillas da Caridade, das que Santa Luisa será cofundadora xunto con San Vicente de Paúl.

Así pois, este pasado 9 de maio celebramos o día de Santa Luisa de Marillac visitando a capela do colexio e coñecendo un pouco máis a vida e o labor de Santa Luisa.

¡Celebramos a Semana do Libro!

Entre o 23 e o 27 de abril celebramos a Semana do Libro e, para comezar realizamos a actividade conxunta: ” Al aire libro”, na que participamos todo o centro lendo durante 20 minutos no parque San Francisco.

¡Mirade qué bonito! Profesorado e alumnado xuntos e disfrutando desta preciosa actividade:

 

 

 

 

 

 

 

 

 

 

 

 

 

 

Pero… con esta grande actividade non rematan as celebracións…

As nenas e os nenos do centro realizaron uns marcapáxinas con motivo destes días especiais. Así pois, decidiuse expoñer ditos traballos para que todo o alumnado e profesorado tivese a oportunidade de ver tódolos marcapáxinas.

Aquí vos deixamos unha pequena mostra da exposición e das nosas visitas á biblioteca para vela.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

¡FELIZ DÍA DA VIRXE MILAGROSA!

Con motivo da festa da Milagrosa, reunímonos na capela do colexio para realizar unha celebración onde os nenos e nenas de infantil escoitaron con moita atención a historia da aparición da Virxe Milagrosa, e o porqué da súa representación.

Mirade qué atentos estaban:

Alí saudamos e rezamos á Virxe, dándolle as grazas por coidar de nós e pedíndolle que nos siga axudando a ser mellores cada día.

Logo da reflexión, os nenos e nenas recibiron a Medalla da Virxe Milagrosa da mán das súas titoras:

Mirade qué contentos estaban:

E, para rematar ensinámosvos tódolos traballos que os nenos e nenas realizaron durante a pasada semana para celebrar este día. Qué ben lles quedaron!

 

O MAGOSTO

Como cada ano celebramos o magosto no colexio cunha gran festa na que mestres e alumnos desfrutaron a tarde do xoves, e que continuou coa celebración da Gincana de Xogos Populares o venres.

Para a celebración do magosto os nenos e nenas de Educación Infantil realizaron unha gran actuación na que chamaban a todos a participar desta tradicional festa do outono galego. Mirade qué ben o fixeron:

Os nenos e nenas de Educación Infantil viñan preparados para a ocasión, lucindo as súas mellores galas vestidos de labregos, castañeiras…

 

Ademáis da festa, durante os dias anteriores falamos do seu significado, dos valores que trae consigo e, polo tanto, os nosos alumnos realizaron grandes creacións para celebrar esta festividade, pasamos agora a ensinarvos algúns dos “traballos” que realizaron sobre o Magosto:

                   

 

 

 

 

 

 

 

 

 

 

 

 

 

 

 

 

 

 

 

 

 

 

E, como broche final de festa, despois de tódalas actuacións do diferentes cursos, tódolos mestres e alumnos do colexio quixemos bailar xuntos no patio, como mostra de cooperación, traballo en equipo e axuda mutua que fai posible o bon clima e bon facer do Centro. Mirade qué bonita estampa:

Finalmente, ó día seguinte tocaba realizar a Gincana de Xogos Populares que, como podedes ver nesta pequena mostra de fotografías que seleccionamos, resultou ser un éxito!